З 15 па 23 верасня ў рамках Тыдня роднай мовы "Як ты дорага мне, мая родная мова!" ва ўстанове адукацыі "Паўлавіцкая сярэдняя школа імя Г.А.Худалеева" згодна плана прайшлі мерапрыемствы.
Была арганізавана выстава матэрыялаў, прысвечаная знакамітым землякам "Майстры слова".
Вучні старэйшых класаў паглядзелі спектакль "Паўлінка" паводле п'есы Я.Купалы.
Для вучняў 5 і 6 класаў была арганізавана завочная экскурсія па вуліцах малой радзімы.
Дзятлава Ульяна, вучаніца 6 класа, падзялілася вопытам работы над буктрэйлерам па кнізе У. Караткевіча "Зямля пад белымі крыламі".
На працягу Тыдня ва ўстанове праходзіла акцыя "Размаўляй па-беларуску".
У бібліятэцы была арганізавана выстава серыі кніг "Скарбонка гістарычнай памяці".